شبكة الفنانين السودانيين هي منصة هدفها تربط الفنانين السودانيين وين ما كانوا ببعض. الشبكة اتعملت بعد حرب 15 أبريل، وعملوها شابات وشباب سودانيين مهتمين بالفن والثقافة السودانية. بنحاول نعرف وين فنانينا موجودين، شنو البعملوه، وشنو المحتاجينه عشان يواصلوا إبداعهم.

في المدى القصير عايزين نعيد ربط الفنانين السودانيين ببعض، نتشارك الموارد والفرص، ونعيد بناء الشبكات الإبداعية الاتقطعت بسبب الحرب والنزوح. أما رؤيتنا على المدى البعيد فهي اننا نبني منظومة فنية سودانية قوية، مترابطة ومستدامة، تحفظ حكاياتنا، وتدعم فنانينا، وتوصل الإبداع السوداني لابعد مايكون.

من خلال حصر الفنانين، منصة رقمية، والاستبيانات، ومنصات التواصل والتشبيك، ومشاركة الموارد، والأرشيفات الرقمية، قاعدين نبني مساحات نقدر نعرٌف من خلالها العالم على الفنانين السودانيين، ونلقى ليهم الدعم، ونساهم في انو صوتهم يكون مسموع.

تساعدنا هذه الاستمارة القصيرة على معرفة مَن هم الفنانون السودانيون وأين يقيمون الآن وما يقدّمونه وما يحتاجونه. إجاباتك تبني صورة نأخذها إلى الرعاة والشركاء نيابةً عنك.

مشاركتك اختيارية ويمكنك تخطي أي سؤال. بياناتك سرية ولا تُنشر أو تُشارك خارج فريق الشبكة دون إذنك.